時間：9:00am
這天終於來到！其實我都不知標靶和化療即是什麼，不過到時就會知吧！我可以做的，就是繼續帶著愉快的心情，於是我............扮醫生！哇哈哈！其實我係咪真係好低能呢？！XDD
Settle down後，家姐都要出番去，因為未到探病時間！:(
護士比了一堆藥我，唔係咁多嘛？！o.O太匪夷所思！結果當另一個護士進來的時候，我問：「真係食咁多？」護士望了望，說：「又真係幾多咁喎！等我去check下先！」
她回來說：「真係呀！那兒其實有幾款藥的！」
我後來才知道，那堆野有一粒胃藥，10粒類固醇，3粒降尿酸藥！陰公！=____=
認識新朋友
後來對面床有人來入住，她settle down後大家聊了幾句，聊聊下我行過去傾，那就不用由床頭叫到去床尾嘛！她叫阿華，她兩年前患腸癌，現在復發，今次是她12次化療中的第10次！她是個開朗的人，她說兩年前患腸癌時信了主，打算今年完成治療後會受浸，I'm so happy for her！:D
護士見到我坐在她床尾傾計，說：「妳兩個幾時咁friend架？」阿華說：「我們是姊妹來的！」護士說：「唔係嘛？」哈哈！:D
傾到口水乾，返回自己張床休息！後來聽到隔離床Sally講電話，講到哭，因為她擔心自己的情況惡劣！我...... 忍不住拉開和她相隔的那塊布，行過去拍著安慰她，阿華也過來，大家叫她不用擔心！阿華分享她自己情況，又告訴她其他個案又怎樣，我說：「我們會陪妳走下去，妳不是得一人！」她很感動，說：「妳們都不舒服，但都過來理我...」其實我可以做的不多，只希望可以給妳多一點力量走下去...
午飯時候打止嘔針？！
過了不知多久，突然護士來幫我插個豆在手背！我...... 原本不是這麼怕痛的人，但吉多了，還是有點心寒，唯有詐死叫左先：「呀～！妳睇住呀～！>.< 」希望個護士溫柔些嘛！:P
12時許聞到飯香，但總不見有人送飯來！家姐入來，她調查到：「飯香係人地隔離房自己帶來的，我見到走廊有架送飯車，應該就來到！」
快D啦！我想食野呀！...送到來了，急不及待要吃的時候，護士不通氣地走過來，說打止嘔針，我說：「食埋飯先得唔得呀？再唔係都比我食兩啖先啦！」>.<
護士繼續自己講野：「嗱！會暈架！同埋會痛一下啫！」然後插過來，我叫了一聲：「呀！」護士說：「係喇！就係呢下啫！」家姐在笑！但我一點也不覺得好笑！=____=
之後我拿拿林扒啖飯入口，都未咬未吞落肚，我便向後達落床... 暈喇～！@@
 |
| 企圖食飯時暈了... |
過了一會，我開始吞番那啖飯，繼而發現我「死剩得把口」，四肢無力啫！但我講到野食到野喎！咁... 餵過來啦！XD
但有人手勢麻麻地！我叫：「喂！咪跌落我塊臉度呀！」家姐說：「咁我好耐冇餵過人呀嘛！」
餵了幾啖後，我發現藥力散了些，再加多少少食野的意志，我好努力咁... 坐番起身爬番去床尾自己食飯！XDD
治療正式展開
一時許，戲肉到！先吊包標靶，原來好像吊鹽水咁！但由於是第一次做，不知道身體對它的反應，所以較了時間掣，控制藥水分段落和慢慢落！而化療都是這樣，有三包不同的野吊入來，一包吊完就到另一包，中間會吊鹽水沖下先！我都不知是那一包，總之覺得我的心臟正在抗衡住撐住，有一秒想過，會否個心頂唔住即瓜架？！@@
又當不知換那一包化療藥時，護士說：「這個會有點痛架！」我隨即已叫：「好那... 痛呀！我意思係好鬼那呀！」>.< 不過那一陣又唔覺了...
搞到5點幾，終於乜都吊晒喇～！太好了！:')
探病時間
 |
| 謝謝阿Sze~! :D |
除此之外，我家姐傾計傾到去隔離床，要不是後來有義工找隔離床，她也不回來！o.O
後來團契的阿Sze來探我，更帶來家裡煲的粥來！太好了～！:D
之後老公出現，原本他打算7:30pm走，因為8pm要上課，但我七時許已經開始很眼訓，所以我說：「你不如走吧！就算你坐係度，我都是睡的了！」
他走之前說幫我影張相，原本影了一張昏睡的相，但他說「不夠精伶」，再來過喎！ 我「精伶」了兩秒，導演收貨！我可以安心睡了！Zzzzz....
播音器阿婆
忘了說這個很精彩的院友！一個在窗邊床位的阿婆！她經常都叫護士，但叫多了，就像狼來了的故事一樣，沒人理她！然後她就不斷重複說著：「姑娘呀！姑娘！姑娘呀！姑娘！......」每次拍子和音頻都一樣！所以尚且還可以接受，重複性的pattern比較容易去ignore！^_^!
半夜兩點左右的時候，全層樓的人都被突如其來的大叫聲而吵醒！「救命呀！唔好呀！呀～！救命呀！唔要呀！......」阿婆做咩呀？！=____=
見到幾個護士在她床邊，當時都不知發生什麼事，翌日早上才知道原來護士見條片濕晒想幫佢換！之後護士們都撤退不理她了，但阿婆又繼續開了播音器，不斷重複地叫，仲好鬼好中氣......
我... 繼續塞住隻耳聽歌，不知過了多久，至少45分鐘吧！阿婆仍在叫，而我有幸睡著了... 怎知道自己曾睡著過？是因為四時許又被阿婆吵醒，有被吵醒才知自己有睡著過囉！
阿婆又自言自語：「師傅！師傅呀！師傅！師傅呀！（重播N次）...我有好多野做呀！我唔係冇野做呀！師傅......」「牙差！牙差呀！牙差！牙差呀！我......」黑麻麻叫咩牙差呀？！我唔信唔驚啫！嚇親隔離床那個就唔好啦！她已經夠脆弱夠驚了！況且我覺得她需要好好休息養好身子去打仗...
我左想右想，為著其他人可以休息的原故，我沒信心，但都祈個禱，然後行去阿婆度，嘗試安撫著她！我輕拍著她，輕輕說：「阿婆，shhh... 安靜少少，妳都要休息下喇！妳休息好身體先會好架！妳安靜... 抖下先啦！乖啦～！shhh... 冇事冇事！......」說了不知多久，我都冇氣兼口水乾，化療後真的很容易口乾，所以我都返回自己床了！
然後突然靜晒！奇蹟呀！怎可能會這樣？！:'D
過了3分鐘，正當感動之際，阿婆又叫喇！「小姐！小姐呀！小姐！小姐呀！......」做乜變了叫我呀？！天呀！=___=
五時許，朦朧中聽到一把男人聲，是跟阿婆說話，他是誰？有男護士咩？是但啦！誰也好，總之都是想阿婆安靜一點！後來我才知原來她是阿婆的兒子，因為誰都勸喻不到阿婆，所以護士半夜三更打電話叫她兒子來！o.O
折騰了一晚，病房的各人早上都很倦仍在睡，然後我聽到走廊有人叫：「6:30am喇！起身喇！梳洗喇！」下？！冇野嘛？！醫院有起床時間既咩？軍訓咩？！病人不是要多睡一點嗎？！我發現病房裡冇人郁，個個都在睡，所以我都繼續睡！起床？睬你都傻！=.=
出院了
是日我可以走的了，但都要等醫生巡房！等到醫生來說我可以走，都要等「批文」，等幾個鐘批文都未搞掂！可以食埋飯先走！=.=
 |
| 敝莊主如何吃到三份餐呀？！ |
阿華說：「妳唔明架喇！我地以前都會食醫院的飯餐的，但慢慢D口味會變左，現在我見到聞到呢D野食就想嘔的了！我都話唔洗戒咩口喇！總之食到就食啦！好過營養不良達唔到標要降班呀！」
我未夠經驗唔夠妳老手，不跟妳爭辯！但妳地兩份餐想怎樣處理？！結果....... 我老公吃了那兩份！XDD
好鄰居
回到家前幾分鐘，樓下嫲嫲打電話來說整了意粉預了給我！:D
另外，我怕回來後沒胃口，所以叫了隔壁鄰居煲粥！
遠親不如近鄰，能認識到好鄰居，我一直都很感恩！亦讓我很安心！:')
上一篇：第一次去QE
下一篇：第一次踏出屋苑
沒有留言:
張貼留言