常覺得排政府醫院要等千年的，想不到不用一個星期便排到了！:D
這天老公去了石澳「公幹」，家姐陪我來看醫生！
報到不久，發現有人和我差不多時間到，但苦瓜乾臉，家姐說：「可能人家舊症嚴重些啦！」姑娘聞後說：「邊係呀！咪同妳一樣是新症！」
我和家姐在這場合看似是極不正常的兩個人，係咁嘻嘻哈哈，一點都不似有病，係都似精神病多些！:P
靚仔醫生 + 芋絲
突然見到一名醫生捧著很熟口面的膠片袋，家姐問：「他拿著的是你那些嗎？」我說：「是呀！」然後大家不約而同說：「幾靚仔喎！」XDD
後來叫我入去見醫生，不知我是否最後一個？還是會對新症病人好一點？醫生一點都不予人一種匆忙的感覺，檢查的時候他向房外叫：「芋絲～！」一名護士走進來，原來這名護士叫芋絲？XD
這名「芋絲」負責兩間醫生房，誰有需要她便去那兒！一般在門外行來行去！
突然聽到隔壁房間突然傳來...鬼..叫..聲...？！o.O
我說：「有...鬼....？！」原來是哭號聲！
芋絲在門外說：「唔洗驚！」
我說：「妳係...同我...講？定係同... 隔離...講呀？」
芋絲說：「我同妳講呀！」:P
 |
| 這是後來住院時偷影的 |
醫生問：「呢位係邊位？」
我說：「我老公！」
醫生說：「但我唔會再講多次！我唔會同佢講會做六次化療和標靶，和一次電療，同埋......」
話唔講但其實乜都講晒講多次，我背著老公向著醫生係咁攬住個肚偷笑！笑死我喇！XD
我問醫生：「咁我即係第幾期？」
醫生說：「淋巴就分四期的，你呀... 唔係一就二架啦！」
我說：「哦！（心想：咁求其既？！）... 咁可唔可以繼續做運動架？」
醫生說：「你做到咪做囉！（下？！）咁100個人，99個都冇事，我點知你會否是那一個呀？」
好似好有道理，但又好似係答左即係冇答既野！=.=
抽血
見完醫生後去抽血，驗好鬼多野，咩乙型肝炎、愛滋、仲有一堆好多唔知咩，我只見到護士將好多支tube貼了有我名的labels！@@
詐死是敝莊主強項！就算唔係好驚都話好驚先，希望D人手勢好D和溫柔D啫！:P
聽到護士同人地講：「哎呀！有D肚餓添！有點手軟！」我聞後說：「咁你去食D野先！我唔會舉報你，你真係去食D野先啦！我驚你冇力呀！」
護士說：「傻啦！抽血唔洗力架！」係咩？嘻嘻！
抽血時敝莊主擰咩面，護士說：「都話唔洗怕啦！睇下！兩支喇！」
我說：「得！你唔洗報告比我聽有幾多支！你抽完先講！」>.<
護士說：「有冇咁驚呀？」
我說：「其實... 我都係扮驚既啫！」怎麼突然覺得自己拍緊周星馳戲？！XD
護士說：「如果早上一開工就見到你就開心囉！好多人都那口那臉架！」
我說：「咁唔係點喎？如果要死我都冇計架！咁而家未死都冇咩大不了！」
*******
其實當時我根本就如正常人一樣，只「知道」自己身體有事，但「感覺」不到嘛！
我亦「聽聞」化療會很辛苦，但未到這一天，我也不會去想，我今天還很好就珍惜今天，未來到的日子我不想去辛苦定，還有幾天時間我要預備自己的「身後事」（即是有什麼要買好買啫！驚之後落唔到街嘛！）:P
有什麼要買就好買，想食就好食，想去的地方就好去，我的日子正在倒數著了......
上一篇：第一次住院
下一次：第一次化療
沒有留言:
張貼留言