一連7天的白血球針

第一天：2013年4月20日（星期六）

未打先驚的白血球針終於開始要打了！係咪真的會周身骨痛架？！>_<

今天死死地和老公爬來診所，經常地覺得老公行得好快！一段來回診所的路程，我吠了老公N次：「Follow my pace!! ...Not in front of me or behind me! Could you walk WITH me?!」>.<

來到診所，比了錢取了籌後，哎呀！幹嗎我很緊張呢！我的平安、喜樂、勇氣指素忽然急降...

家姐whatsapp說：「發揮你大無畏超級阿Q精神！」
我：「冇乜剩喇...」
家姐：「你冇添加咩？」
我：「心口作悶冇心情呀...」

不行！不可以亂！不可以慌張！要冷靜！祈禱、默想... 心情終於平伏過來了！:)

叫我的籌號了，問姑娘：「痛唔痛架？」
姑娘說：「幼針應該不會很痛，甚至有人感覺不到添！...點呀？你覺得痛唔痛呀？」
我說：「 咁又唔痛...」

不知是化療的副作用未散，還是這支針都會令人想嘔，總之我一路行一路拿著個膠袋以防萬一！

我說：「我覺得我拎住個空袋fling fling下好白痴咁！」
老公說：「但... 你一向都白痴個喎！」哼！>:(

過了10-20分鐘，不知是心理作用還是真的咁神奇，我說：「哎呀！左邊盤骨有點痛！...（過了一會）哎呀！左邊手臂喇！...（繼續行）哎呀！左邊腳喇！點解全部左邊架？支針落在左邊，但不是運行全身既咩？！」

老公笑：「你好似拍緊鬼片咁！冇人搞你突然又話呢忽痛果忽痛！」點解人地覺得不適，但經我個口講完變成笑話咁既？！=.=

聞說支針可能會周身骨痛，但so far我的感覺似運動後少少酸痛的感覺，可以接受，我反而是打完後有少少作嘔的感覺！o_O


第四天

昨天覺得條脷有點麻痺又有點苦，百思不得其解，是那一家的副作用呀？沒新藥呀！除了那支白血球針！今天翻開張單張來看：「過敏反應：在注射後出現異常反應，包括...... 嘴巴或喉嚨有腫脹刺痛感、呼吸困難...... 請立刻通知醫護人員或安排覆診。」

請問「嘴巴」和「脷」是同一樣野嗎？那... 有點麻痺又算叫腫脹刺痛嗎？這算是過敏反應嗎？還應該打嗎？...找不到電話查詢，那照去診所，到時再問姑娘吧！


7天的「補品」

其間我的「顧問」（一名淋巴癌康復者朋友）說：「塊臉有冇腫呀？冇就照打啦！唔係你唔夠數呀！」下？！o.O

幸運遇上好心的姑娘，她翻開自己的私人記事簿，找了QE的直接電話，打過去問！...等了一會，姑娘說可以繼續打喎！

口苦脷麻痺？敝莊主最後回家塞了舊蜜糖在口！問題解決了！XDD

「顧問大人」說：「洗乜出去診所打呀！自己來啦！」張單張其實有教如何自行注射的，但敝莊主做不出如此自虐的行為呀！>.<

他說：「叫樓下幫你打啦！」
我問：「佢識？？但... 可能你地知怎樣打，但始終少做喎！」
他說：「咁又係... 但其實打呢支針係最基本的技巧，冇咩特別，督落去就係！」

打了幾次我都發現很容易，連血管都不用找，在肚皮搵個靚位督落去皮下脂肪就得的了！


第五天

很幸福的一天！有專業的護士上門幫敝莊主打針！兩下手勢就搞掂！真的可省回很多時間，不用出街就不用傷元氣，要暈的話還可在自己的床上暈！真是打針以來最幸福的一天！多謝阿嫂！^0^

補品的蘆山真面目

第七天

今天是最後一天打了，昨天打完什麼反應也沒有，可能適應了吧！:)

不過今天個back有點痛，黃昏開始這種「陣痛」更明顯！哎呀！發生咩事？想起了人家說：「白血球在骨髓製造，所以當它在骨裡走出來時就會覺得痛！」敝莊主反應遲鈍，7天後才有反應？！o.O

咁... 要用絕招了！就是... 拿拿林去訓覺啦！睡著了就什麼也不知道了吧？！:P

謝謝大家的代禱！這晚忽然勁好訓！睡了近10個鐘，醒來就沒事了！:D

 

*******

「顧問大人」說：「依你要這樣打針法，化療後三天開始打，我估是因為你白血球跌得太低，人家做第三四次先跌到冇貨，你第一次已經冇晒貨！所以打針幫你製造快些都好的，否則你下次又唔夠數做！...但如果日後你自己再製造唔設的話，有可能要繼續打針幫你！」

下？！唔好呱？！我還是加倍努力食和訓好了！>.<


上一篇：第二次化療
下一篇：向頭髮說再見