今次是第一次到日間化療中心！
9am來到，搞一輪手續便上一樓的日間化療中心！先取籌，叫號時就入去量血壓！之後要出番去坐和等！
我見還有時間，加上驚一陣會餓死，所以叫家姐幫我去Pacific Coffee買個批上來吃！:P
但周圍只有我一人在吃，這是我這個星期養成的「習慣」，因為經常怕自己吃得不夠，所以經常都在吃！^_^!
10:15am左右開始叫名時入去！又要吉個「豆」！今次在右手手背！>_<
 |
| 有電視位坐 |
陸續有人坐好後，「餐車」不斷往來，送「餐」（化療藥）給不同的人，然後兩名護士一起核對資料！
敝莊主先要吃粒止痛藥，我不明解但沒問，有少少印象上次可能都有！11時許又來打「迷暈針」（止嘔）！唉！又是那種頭暈暈手腳麻木的感覺！不知是否藥力運行到心臟附近那住晒，我突然心酸起來，心想這種經歷又要再來一次？！眼睙無聲地流了下來...
護士說半個鐘後開始吊標靶藥！11:25am打算無拘束地不用拖著部機去個廁所先，怎料護士已經來，我說：「又話半個鐘先？！」「真係咁準時30分咩？！」最後，唯有拖埋部機去啦！然後似曾相識的「芋絲」出現！（詳情可看第一次去QE）
芋絲問：「妳屋企人在嗎？可以叫他入來同妳去廁所喎！」
我說：「唔洗喇！肯定走左落街啦！」
阿芋絲問：「咁妳得唔得呀？」
我說：「得...！」心想有咩唔得至得架？！
芋絲說：「見妳腳步浮浮咁！我陪妳去啦！」懵仔針未散我想架？！
芋絲又說：「等我幫妳推（部機）啦！我驚妳踢跌左佢仲麻煩呀！」^_^!
去廁所敝莊主當然會鎖門啦！
芋絲說：「下次唔好反鎖喇！我在出面幫妳睇住架嘛！如果妳在入面有咩事就麻煩喇嘛！」
乜我有咁痴呆咩？！什麼時候我已經到了這個年紀？！=.=
不知什麼時晨，家姐又返來了！1pm前呱？第一次在這兒做，都不知幾時才搞掂，食個飯先好喎！於是家姐幫我去canteen看有什麼好吃！:P
最後買了兩餸飯，總之清清地，瓜瓜菜菜就可以了！幸好這個星期養成有得食就好食的習慣，敝莊主當然話咁快就將它消滅了！:D
但怎麼這個我現在看了千次都覺得不吸引的飯餐，我當時竟然可以在9秒9內吃掉？！o.O
然後突然見到一個眼熟的身影飄過！老公？！沒聽過他說會來啊！
然而，探病的兩個人...... 「喂！你兩個係咪探病架？兩個都係度攬住個電話？！」>:(
家姐說：「你另外個家姐問我你點呀？」
老公說：「呀xx問我你點呀？」
......!! =.=
1:30pm左右，吊完包標靶藥了！嘩！兩個鐘！
家姐冒汗：「咁咪有排吊？」
我說：「冇理由呀！上次都係吊左四個幾鐘，唔會耐得過上一次呱？」
護士說：「好快！大概個半鐘！」
我說：「標靶咁貴，皮幾野！緊係要慢慢嘆架啦！」正一苦中作樂！:P
之後換了第一款化療「毒藥」，共有三款！
之後有的是兩支大針筒咁，護士來隊埋落黎，2:30pm都搞掂了！
阿四去繳費，之後可以起駕回府了！:D
敝莊主好豪咁...... 第一次從醫院搭的士返屋企！$$$......
副作用
第一次時心口作悶、口乾、有兩晚睡不到，今次我早有準備，煲了滋潤喉嚨的飲品，並且在未口乾時已經把整煲喝掉了！今次情況並不太壞！:D
心口都有作悶但沒上次咁差，但星期五下午至晚上開始有點反胃的感覺，不太想吃！幸在我發出求救的呼聲後，教會弟兄姊妹都為我祈禱，最終沒有嘔，更安然地睡了一晚！感恩！:)
我吃的都是平時吃的，菜呀！蕃茄、豆腐、粟米、金菇、韓國菇、三文魚、餃子... 那些丸和肉是老公的！
我覺得打邊爐跟倒晒在鍋煮都是差不多之嘛！不過，最後還是決定：以後最多每次療程吃一次！並放在第二或第三個星期裡！所有煮好的東西攤一會才吃，夾起熟的食物才放生的！:)
上一篇：白血球達標了
下一篇：一連7天的白血球針
沒有留言:
張貼留言